Ես մինչև հիմա սիրում եմ նրան. Ջիգարխանյանի խոստովանությունը (լուսանկար)
Արմեն Ջիգարխանյանն առաջին անգամ պատմել է իր և դերասանուհի Լյուդմիլա Գուրչենկոյի հարաբերությունների մասին: Այն կարծիքներն են շրջանառվում, որ Արմեն Ջրգարխանյանը բոլորից շատն է նկարահանվել դերասանուհու հետ նույն ֆիլմերում: Արմեն Ջիգարխանյանի խաղընկերները եղել հայտնի դերասանուհիներ Տատյանա Դորոնինան, Նատալյա Գունդարևան, դերասաններ Վլադիմիր Վիսոցկին. Միխայիլ Բոյարսկին, Արմեն Բորիսովիչը և այլք: Սակայն դերասանուհիներից Լյուդմիլա Գուրչենկոն նրա համար լրիվ այլ հարթության վրա է գտնվել:Այս մասին գրում է Segodnya.ua
1960-ականների վերջին դերասանը ծանոթացել է Լյուդմիլա Գուրչենկոյի հետ։ Նրանց միավորել է երկարամյա ընկերությունը, որը կարող էր վերաճել մեկ այլ բանի։
7 дней-ին տված հարցազրույցում Ջիգարխաննյանն անկեղծացել է. «Գրեթե մեկ ամիս մենք անցկացրել ենք Պրիելբրուսյեում՝ «Սպիտակ պայթյուն» ֆիլմի նկարահանումների ժամանակ։ Հետագայում ես նրան տարբեր դերերում եմ տեսել, և կարող եմ ասել, որ ավելի հետաքրքիր և հակասական կին իմ կյանքում ես, հավանաբար, չեմ տեսել։ Գիտեք, ինչպես ասում են՝ անվերջ կարելի է նայել կրակին և ջրին։ Այդ ցուցակում ես կավելացնեի նաև Լյուսյային։ Նրան հետևելը միշտ էլ հետաքրքիր և գրավիչ է եղել: Իմ աչքի առաջ նա ունեցել է միայն մեկ ամուսին, իսկ հետո ուրիշ: Եվ ես նրանց հետ շփվում էի»:
1973 թվականին Գուրչենկոն և Ջիգարխանյանը նկարահանվել են «Հին պատեր» ֆիլմում։ Դերասանն անկեղծանում է, որ Գուրչենկոյի համար դա շատ կարևոր ֆիլմ էր, քանի որ երկար տարիներ անց առաջին անգամ նա լուրջ դրամատիկ դեր էր կատարում։ Գուրչենկոն դողում և վախենում էր, որ ինչ-որ մեկը կարող էր մոտենալ, ձեռքը դներ իր ուսին և ասեր.
«Ի՞նչ ես դու հորինել, քեզնից ֆաբրիկայի ի՞ նչ ղեկավար:Ավելի լավ է՝ երգիր 5 րոպեի մասին: Մենք նրա հետ կատարում էինք արդեն ոչ երիտասարդ զույգի դեր, ովքեր սիրահարվել են։ Եվ երբ ես նրան գրկում, համբուրում էի տեսախցիկի առաջ, այնպիսի զգացողություն էր, որ այդ պահին դա անհրաժեշտ է ոչ միայն Աննա Սմիրնովային, ում դերը նա կատարում էր, այլև հենց Լյուսյային։ Այո՛, դա ճիշտ է, երբ մենք կիրք էին պատկերում, այնպիսի զգացողություն էր, որ մենք երկուսս էլ ցանկանում ենք դա: Ես հասկանում եմ ամերիկացի դերասաններին, ովքեր սիրահարվում են և ամուսնանում նկարահանումների ժամանակ՝ զգացմունքներն իրական ապրելու համար: Եթե մենք լինեինք Հոլիվուդում, ապա ես ու նա անպայման պետք է ամուսնանայինք: Բայց ոչ, մենք ապրում էինք այլ երկրում, մենք այդպես էլ մեզ ավելորդություն թույլ չտվեցինք եմզ: Չհամարձակվեցինք գնալ մինչև վերջ։ Սակայն կարող եմ խոստովանել, որ մինչ այժմ սիրում եմ նրան. անկեղծ»,- խոստովանել է Ջիգարխանյանը։