Թրաֆիկինգի զոհ դարձած աղջկան հաջողվել է փախչել
«Իրավունք» թերթը գրում է. «Կենտրոն և Նորք Մարաշ ընդհանուր իրավասության դատարանում քննվում է հերթական սեռական շահագործման (թրաֆիքինգ) գործը: Հայտնի թրաֆիքյոր Հերիքնազ Խաչատրյանը, բնակվելով ԱՄԷ-ի Դուբայ քաղաքում, Հայաստանում բնակվող ավագ քրոջ՝ Բավական Խաչատրյանի օգնությամբ թե քանի կին է հավաքագրել և մարմնավաճառության համար հասցրել Դուբայ, հազիվ թե այս դատական քննության ընթացքում պարզվի:
Աննայի (անունը փոխված է) դժվար է այս պատմության հերթական զոհերից մեկը համարել. նա, ի տարբերության այլ կանանց, ի սկզբանե էլ գիտեր, թե ուր է գնում և ինչի համար: Միայն թե նախապես պայմանավորվածի փոխարեն՝ բոլորովին այլ ծառայություններ էր աղջկանից պահանջվում, և իր ճարպկության շնորհիվ Աննային հաջողվեց համեմատաբար շուտ վերադառնալ:
Մեզ հաջողվեց զրուցել նրա հետ, և Աննան ներկայացրեց հետևյալ պատմությունը.
«Համաձայնեցի ու մեկնեցի Դուբայ, որտեղ ինձ դիմավորել է Անո անունով անծանոթ մի կին: Նա միանգամից խլեց անձնագիրս և տաքսի մեքենայով տարավ Նելուշի բնակարան, որտեղ բնակվել են մոտ 25 հայ աղջիկներ. նրանք Նելուշին «Մամայ» էին ասում: Նելուշն ինձ տարավ առանձին սենյակ և հայտնեց, որ հաճախորդի հետ պետք է ունենամ տարբեր տեսակի սեռական հարաբերություններ, այդ թվում օրալ և խմբակային՝ մի քանի տղամարդու հետ:
Անակնկալի գալով՝ սկսեցի հակառակվել, բայց Նելլին ինձ ահաբեկեց, թե կվնասի Հայաստանում գտնվող հարազատներիս: Ես ասացի, որ իմ հարազատները գիտեն իմ գտնվելու վայրի մասին, և եթե ինձ հետն որևէ բան պատահի, ապա մայրս կդիմի իրավապահ մարմիններին:
Սկզբում չհավատացին և ստիպեցին միանգամից երեք տղամարդու հետ սեռական հարաբերություն ունենամ: Ու էդպես մի քանի օր, օրը մի քանի անգամ, մինչև որ մի օր ինձ հաջողվեց փախչել և հայտնել այդ մասին իրավապահներին:
Հերիքնազի քույրն արդեն դատապարտվել է, հուսով եմ, որ ինքն էլ կստանա իրեն հասանելի պատիժը»:
Առավել մանրամասն՝ «Իրավունք» թերթի այսօրվա համարում: