Բաղրամյան պողոտայում արձանագրված միտումները կարծես փոխում են «հեղափոխության» կողմ և դեմ գործող դերակատարների հավասարակշռության նժարը

Հայաստանում էլեկտրաէներգիայի սակագնի թանկացման դեմ սկիզբ առած շարժումը, որի գագաթնակետը դարձավ Բաղրամյան պողոտայի մի հատվածում արդեն 11 օր շարունակվող բողոքի գործողությունն, շատ տարբեր, հաճախ՝ հակասական մեկնաբանությունների, վերլուծությունների առիթ դարձավ նաև մեր երկրի սահմաններից շատ հեռու՝ անձնային, տեղեկատվական և գիտավերլուծական միջավայրներում:
Բաղրամյան պողոտայում «արաբական գարնան», «ուկրաինական մայդանի» կամ «գունավոր հեղափոխության» նոր՝ հայկական տարբերակ կանխատեսող «փայլուն ուղեղների» վերլուծական ունակություններն, ասես, պարալիզացվել էին մի կողմից հայ ցուցարարի՝ ազգային երգ ու պարի, հայ գրականության նվիրյալների ստեղծագործությունների ուղեկցությամբ ընթացող «հեղափոխության», մյուս կողմից՝ բողոքի ակցիան հսկող ոստիկանության հավասարակշռված, ըմբռնողական, գործողություններից, «բարիկադների» երկու կողմում կանգնած հայերի փոխադարձ հարգանքի, անգամ հոգատարության մթնոլորտից:
Բողոքի փաստացի հասցեատեր Հայաստանի բարձրագույն իշխանությանների արձագանքից հետո արդեն ընթացիկ շաբաթվա սկզբից Բաղրամյան պողոտայում արձանագրված միտումները, մասնավորապես Բաղրամյանում օրվա մեծ մասի ընթացքում «բարիկադների» փաստացի արհեստական առկայությունը, և հատկապես պատկան մարմինների համբերատար վերաբերմունքը երևույթի նկատմամբ կարծես փոխում է «հեղափոխության» կողմ և դեմ գործող դերակատարների հավասարակշռության նժարը...
Աշխարհին զարմացնելու մեր ունակությունը և դրա առարկայացման՝ ընթացիկ տարվա ընթացքում հերթական դրսևորումը պարզապես այլ ելք չեն թողնում, քան Բաղրամյանում բնականոն իրավիճակի վերականգնումը...

Սարգիս Գրիգորյան. Ֆեյսբուք