Այսօր կյանքը հայրենիքին տված զինվորը կդառնար 19 տարեկան (լուսանկարներ)

Այսօր մեր Հակոբը (Հակոբ Գագիկի Խաչատրյան. 19. 03.2015թ.) պիտի դառնար 19 տարեկան: Ասելիք, գնահատում, արժևորում...ամեն ինչ կա, նրա ծնողների ու մեզ համար չկա Հակոբը:

Հակոբի կյանքով դարերի համար անխախտ մնաց նաև Քաշաթաղի շրջանի Աղաձոր գյուղը. նա եղավ գյուղի առաջին զինվոր-նահատակը, գյուղի առաջին գերեզման ունեցողը, հայ հողը վերասնուցող ՀՈՂՆ ու բարեբեր ՈԳԻՆ. Հայոց գերեզմաններն էլ պաշտպաններն են հայոց:

Հայրը՝ Գագիկը, մոլոր է, անխախտ իր ցավի մեջ, բայց բարի՝ ապրողաց համար: Խոհերում Աստծուն հավասար է հայ հայրը. «Թող ոչ մի ծնող չտեսնի իր զավակի մահը, թող ոչ մի թուրք հայր ինձ պես որդի չկորցնի»,- սա ասում է թուրքի գնդակից որդեկորույս հայրը:

Հակոբի՝ հոր հետ ունեցած վերջին զրույցը ապրելու կոչ է բոլորիս համար. «Պա՛պ ջան, ինձ նման տղա ունես, հանգի՛ստ կաց, վախեցող չեմ, մեռնելով էլ լինի՝ մի թիզ էլ ա չենք զիջելու»… «Մահ իմացյալ»-ի խորհուրդը ամեն մի հայ քաջորդու ապրելու տենչն է դարձել:

Մհեր Քումունց. ֆեյսբուք