Երևան, 28.Հունիս.2017, 00:00 |
|
1 $ = 0 Դրամ 1 = 0 Դրամ 1 = 0 Դրամ
|
Արծաթ - 0 Դրամ Ոսկի - 0 Դրամ Պլատին - 0 Դրամ
«Սասնա ծռերի» կողմնակիցները պետք է ընդունեն, ... Վերջին 10 օրում Ադրբեջանը հաստատված տվյալներո... Էրդողանը հայտնել է Սիրիայում քրդերի դեմ հնարա... Գյումրիում քրեական աշխարհը խուճապի մեջ է. կրա... Լավ բան ես ասում, բայց հիմա կլինի՞ արդեն Հայա... Հայտնի է, թե որն է եղել Նյու Յորքի գնացքի՝ գծ... Կույր երեխան երգում է Արմենչիկի երգը՝ չիմանալ... Իրազեկում՝ ճամփորդության մեկնողների համար Պատմության մեջ այս օրը. հունիսի 28 Վենեսուելայում ուժայինները կրակ են բացել Գերա... Պաշտպանության նախարար Վիգեն Սարգսյանի մամուլի... Նավթի համաշխարհային գները նվազում են «Հին Էրիվան»-ում ամեն ինչ վերածվել է մոխրակու... Ողբերգական ավտովթար Վայոց Ձորի մարզում. Կա 1 ... Խոշոր հրդեհ Հյուսիսային պողոտայում. դեպքի վայ... Սփյուռքի նախարարությունում ամեն տարի առաջանու... Արմեն Ունանյանը միջամտո՞ւմ է ՊԵԿ-ի գործունեու... Գործարար Ռուբեն Վարդանյանն առաջիկայում Երևան ... Խոսրով Հարությունյանը մինչ հարց հնչեցնելն իր ... Նոր կառավարությունը չի պատրաստվում տեր կանգնե... «Շանգրիլան» աշխատակիցների համար կայանատեղիի վ... Վարդան Հարությունյանը պնդում է, որ մինչև 2016... Խաչատուր Սուքիասյանը Գյումրիում շքեղ հյուրանո... ՀՀ քաղաքացիությունից հրաժարված հայերը կզրկվեն... Հրազդանի քաղաքապետ Արամ Դանիելյանը քաղաքապետա...

Հարկ եղած դեպքում կինը կարող է տղամարդուն հավասար կռվել ու նաև հաղթել. 21-ամյա լեյտենանտ Կատյա Հարությունյան

Հայաստանի երրորդ Հանրապետության նշանակալից և ամենագլխավոր ձեռքբերումներից է հայոց ազգային բանակը: Բանակ, որը տարածաշրջանում համարվում է ամենամարտունակն ու կարգապահը: Մեր երկիրը հզոր է բանակով, իսկ բանակն էլ զինվորներով ու հրամանատարակազմով: Հզոր բանակ, որտեղ իրենց ծառայությամբ և քաջությամբ աչքի են ընկնում նաև աղջիկները:

«Մենք ունենք բանակ, քաջ տղերք ու մեծ կամային ուժ: Թշնամին ունի զինամթերք ու ոչինչ»: Այս մասին Operativ.am-ի թղթակիցի հետ զրույցում նշել է 21-ամյա լեյտենանտ Կատյա Հարությունյանը, ով այժմ սովորում է Գյումրու Միքայել Նալբանդյանի անվան պետական մանկավարժական ինստիտուտի նախազորակոչային և ֆիզիկական պատրաստություն բաժնում:

 -Կատյա, ինչպե՞ս որոշեցիք, որ հենց այս բաժնում պետք է շարունակեք  Ձեր ուսումը:

-Նախ նշեմ,որ շատ եմ սիրում թե' զինվորական համազգեստը, թե' մասնագիտությունը: Ընտանիքումս միշտ եղել է հայրենասիրությունը, միշտ լսել եմ ֆիդայինների, մեր հերոսների մասին, կռիվների, զոհվածների մասին, որոնցից մեկն էլ եղել է հայրս: Դեռ փոքրուց ցանկացել եմ շարունակել հորս գործը, կապ չուներ թե ոնց, բայց պետք է մի ձևով հայրենիքիս կողքին լինեի:

-Ե՞րբ մասնագիտություն էիք ընտրում, հարազատները չընդդիմացան, ասելով թե դա աղջկա մասնագիտություն չէ:

-Չէ, քանի որ բոլորն էլ գիտեին մասնագիտությունս ընտրելու պատճառը ու ընդհակառակը՝ հպարտացան:

 -Ի՞նչ զգացողություն եք ունենում, երբ համազգեստ եք հագնում: Մարդկանց վերաբերմունքի մեջ փոփոխություն նկատու՞մ եք:

-Զինվորական համազգսետ հագնելն ինձ համար մի ուրիշ հպարտություն է, չէ որ այդ համազգեստի համար շատ հայ տղաների արյուն է թափվել: Իսկ մարդկանց վերաբերմունքը բնականաբար փոխվում է, ամեն տեղ չի, որ կարող ես համազգեստով աղջկա հանդիպել: Ինչպես ես եմ հարգում իմ համազգեստը, այդպես էլ մարդիկ:

-Մարդկանց մի ստվար զանգված կարծում է, որ համազգեստով կինը կորցնում է իր կանացիությունը: Այդպե՞ս է, թե՞ ոչ:

-Իհարկե ոչ, ուղղակի կանացիությանը գումարվում է նաև խիզախությունը, կամքի ուժն ու նման մի շարք գծեր:

 - Այս հինգ տարվա ընթացքում ի՞նչ կարևոր արժեքներ եք ձեռք բերել կամ միգուցե կորցրել:

-Որպես ձեռքբերում կարելի է համարել,որ սկսել եմ գնահատել բանակային գործը, բանակային կյանքը: Կողքից ամեն ինչ շատ գունավոր ու հեշտ է, բայց երբ հասկանում ես թե ինչ դժվարություններ են ունենում մեր տղաները,սկսում ես գնահատել ամեն ինչ այլ կերպ: Կորստի մասին չեմ էլ կարող խոսել, որովհետև միայն ձեռբերումներ են եղել:


-Ըստ Ձեզ անհրաժե՞շտ է կանանց պարտադիր ծառայությունը և տվյալ պարագայում կարո՞ղ է կանանց ծառայությունը որոշակի բարոյահոգեբանական մթնոլորտ փոխել բանակում:

-Անհրաժեշտ է, քանի որ մեր պատմական փորձը ցույց է տվել,որ հարկ եղած դեպքում կինը կարող է տղամարդուն հավասար կռվել ու ինչու ոչ՝ հաղթել: Բնականաբար կփոխվի, տղամարդը կնոջ ներկայությամբ ավելի զգոն  և խիզախ կլինի:Հայ կինը որքան համեստ է և խոնարհ, այդքան կարող է քաջ լինել, երբ խոսքը վերաբերում է իր մանկան, իր ծնողի կամ հարազատի անվտանգությանը:

-Ծառայության մեջ կա մի բան, որ աղջիկների մոտ ավելի լավ է ստացվում քան տղաների:

-Ինչպես գիտենք,աղջիկներն ավելի լավ հրաձիգներ են քան տղաները, հետևաբար աղջիկների մոտ կրակային պատրաստությունն ավելի լավ է ստացվում: Բացի այդ, տեսական դասերն էլ աղջիկներն ավելի պարտաճանաչ ու ջանասիրաբար են սովորում:

-Աղջիկները մի փոքր ավելի զգացմունքային են, դա չի՞ խանգարում ծառայությանը:

-Չի խանգարում, համազգեստ հագնելուց հետո ուրիշ զգացմունքներ են քեզ պատում: Ընթացքում սկսում ես ոչ թե զենքից վախենալ, այլ սիրել այդ զենքը, մոռանում ես, որ շարային պատրաստությունը հոգնեցնող է ու սկսում ես տղաներին հավասար կատարել շարային վարժությունները,որ ինչ-որ բանով չզիջես կամ էլ շարքում չտարբերվես:

-Սահմանում շարունակվում է լարված իրավիճակը և չի բացառվում, որ հնարավոր է լայնամասշտաբ ռազմական գործողություններ վերսկսվի: Ի՞նչ քայլի կդիմեք:

-Աստված մի արասցե նման բան լինի, բայց եթե հարկ եղավ կհետևեմ հայրիկիս օրինակին, կգնամ ու կկռվեմ, չգիտեմ թե այնտեղ ինչ հրաման կստանամ, ինչ դեր կկատարեմ, բայց որ կգնամ ու կլինեմ մեր քաջերի կողքին դա հաստատ է:

-Ի՞նչ կցանկանայիք,որ փոխվեր մեր բանակում և ըստ Ձեզ, ինչու՞ են տղաները խուսափում ծառայությունից:

-Երբ հիշում եմ տարիներ առաջ ինչպիսին էր մեր բանակը ու հիմա ինչպես է, արդեն իսկ ուրախացնող փոփոխություններ կան: Իսկ ոմանք խուսափում են ծառայությունից՝ սխալ պատկերացումների պատճառով, բայց հավաստիացնում եմ ձեզ, որ ընդամենը մի դասաժամի ընթացքում կարելի է փոխել նրանց կարծիքը և պատկերացումները:

-Ի՞նչ կցանկանաք մեր զինվորներին:

-Կցանկանամ խաղաղություն, բայց հարկ եղած դեպքում էլի ուժ ու խիզախություն ու կհիշեցնեմ, որ մենակ չեն, ամբողջ մի ազգ կանգնած է իրենց մեջքի հետևում:


Նունե Խաչատրյան

 

դիտվել է 3542 անգամ
loading...
«Սասնա ծռերի» կողմնակիցները պետք է ընդունեն, ... Վերջին 10 օրում Ադրբեջանը հաստատված տվյալներո... Էրդողանը հայտնել է Սիրիայում քրդերի դեմ հնարա... Գյումրիում քրեական աշխարհը խուճապի մեջ է. կրա... Լավ բան ես ասում, բայց հիմա կլինի՞ արդեն Հայա... Հայտնի է, թե որն է եղել Նյու Յորքի գնացքի՝ գծ... Կույր երեխան երգում է Արմենչիկի երգը՝ չիմանալ... Իրազեկում՝ ճամփորդության մեկնողների համար Պատմության մեջ այս օրը. հունիսի 28 Վենեսուելայում ուժայինները կրակ են բացել Գերա... Պաշտպանության նախարար Վիգեն Սարգսյանի մամուլի... Նավթի համաշխարհային գները նվազում են «Հին Էրիվան»-ում ամեն ինչ վերածվել է մոխրակու... Ողբերգական ավտովթար Վայոց Ձորի մարզում. Կա 1 ... Խոշոր հրդեհ Հյուսիսային պողոտայում. դեպքի վայ... Սփյուռքի նախարարությունում ամեն տարի առաջանու... Արմեն Ունանյանը միջամտո՞ւմ է ՊԵԿ-ի գործունեու... Գործարար Ռուբեն Վարդանյանն առաջիկայում Երևան ... Խոսրով Հարությունյանը մինչ հարց հնչեցնելն իր ... Նոր կառավարությունը չի պատրաստվում տեր կանգնե... «Շանգրիլան» աշխատակիցների համար կայանատեղիի վ... Վարդան Հարությունյանը պնդում է, որ մինչև 2016... Խաչատուր Սուքիասյանը Գյումրիում շքեղ հյուրանո... ՀՀ քաղաքացիությունից հրաժարված հայերը կզրկվեն... Հրազդանի քաղաքապետ Արամ Դանիելյանը քաղաքապետա...
Ամենաընթերցվածը
website by Sargssyan