Այս տարին ավարտվեց կողոպուտով. Լևոն Շիրինյան

Այսօր լրագրողների հետ հանդիպման ժամանակ քաղաքագետ Լևոն Շիրինյանն ամփոփելով տարվա իրավիճակը, նշեց, որ մենք «Սոցիալական շուկայական տնտեսության հայեցակարգ»-ի ներմուծման կարիք ունենք: Բանախոսն ընդգծեց, որ այս մոդելը գործել է Գերմանիայում և արդյունքում Գերմանիան դարձել է այնպիսի երկիր, ինչպիսին մենք հիմա ենք տեսնում:

«Հետազոտությունների արդյունքում ես եկել եմ այն հետևության, որ պետականության այն մոդելը, որ առաջացել է Հայաստանում անկախության նվաճումից 20 տարի հետո իրեն չի արդարացնում: Սա երկրի թուլացման, ժողովրդի բարոյականության ոչնչացման պետական մոդել է: Ճգնաժամը ծնում է նոր ռեժիմներ և մեր քաղաքական միտքը նոր մոդել պետք է առաջարկի»,-նշեց քաղաքագետը:

Ըստ բանախոսի` Հայաստանը մի պրոբլեմ ունի` պետությունը հիմնախնդրի ժամանակ ժողովրդի կողքին չի կանգնում: «Մենք տառապում ենք ոչ թե պետության շատությունից, այլ պետության բացակայությունից: Եթե այսպես շարունակվի տարածարջանում մի 100 տարի էլ հանգիստ չի լինելու»,-ընդգծեց բանախոսը:

Անդրադառանալով դրամի ճակատագրին` քաղաքագետը հայտնեց այն կարծիքը, որ դրամը չի կայունանա, իսկ տարին բանախոսը ամփոփեց հետևյալ արտահայտությամբ` այս տարին ավարտվեց կողոպուտով:

Վարդուհի Ստեփանյան