Կինը միայն ռինգում պետք է կոպիտ լինի, իսկ հասարակական վայրում ես ինձ կանացի եմ պահում. Կարինե Կարապետյան՝ Կատոկ (տեսանյութ և լուսանկարներ)

Հայաստանում  մի փոքր անսովոր երևութը միանգամից տարածվում և երբեմն բացասական վերաբերմունքի է արժանանում: Այն  առավել  բուռն քննարկման պատճառ է դառնում, երբ հարցը  վերաբերում է մասնագիտություններին, որոնք ընտրում են կանայք և տղամարդիկ: Մասնագիտություններ, որոնք երբեմն հակասական են: Երբ կինը կամ տղամարդը մանկավարժ են, ապա  ամեն ինչ նորմալ է դիտվում, բայց բավական է, որ կինը զբաղվի   ծանրամարտով, ըմբշամարտով, կոշկակարությամբ և այլ նմանատիպ մասնագիտություններով,   հասարակությունը միանագամից սկսում է բացասական  մեկնաբանություններ հնչեցնել:

Operativ.am-ի թղթակիցը  զրուցել է մի մարզուհու հետ, ով այս կարծրատիպերը կոտրողներից մեկն է եղել: Կարինե Կարապետյանը 11 տարեկանից զբաղվել է «Մարտեր առանց կանոնների»,  «Թեքվանդո», «K1» մարզաձևերով: Ինչպես մյուսների ընտանիքներում,  նրա  ընտանիքում  ևս դեմ են եղել նրա մասնագիտությանը, սակայն Կարինեն համառությամբ հաղթանակ է տարել: Նա  դեռ փոքրուց չարաճճի աղջիկ է եղել, և այսպես ասած, աղջկական հանգստություն չի ունեցել: Փոքր տարիքից հաջողություներ է գրանցել: Ունի մրցանակներ, մեդալներ, պատվոգրեր: Երազում է ավելի մեծ, միջազգային ռինգեր նվաճել:

Օր ու մեջ 3 ժամ մարզվող հայուհին, մարզիչ  Ռազմիկ Ղուլինյանի հետ ծրագրում է մրցաշարերի մասնակցել: 25 տարեկանում շրջապատը Կարինեին «կատոկ» մականվամբ է կնքել: Նրա խոսքով՝  կյանքում   մարզիկը կամ մարզուհին չպետք է փողոցային կռիվներ անեն, սակայն հարկ եղած դեպքում նման դեպքեր լինում են: Այս կոպիտ մարզաձևն ընտրած աղջիկը միաժամանակ կանացի է բավականին: Կարողացել է գտնել կյանքի իր երկրորդ կեսին:Ունի մեկ տղա: Ամուսնու մասնագիտությունը բոլորովին այլ է՝  ճարտարապետ: Ինքը նաև հաշվապահ է, սակայն երբևէ չի զբաղվել հաշվապահությամբ: Գույներից սիրում է կարմիրը, տարվա ամենասիրելի եղանակն աշունն է, իսկ ծաղիկներից նախընտրում է վարդ:  Սիրում է ընթերցել, չի ների դավաճանությունը, քաղաքականությամբ չի հետաքրքրվում:

Նրա խոսքով՝ կինը միայն ռինգում պետք է կոպիտ լինի, իսկ հասարակական վայրում ինքն իրեն  կանացի է պահում: Այն հարցին, թե սպորտում ում է առաջատար համարում հայ կանանցից նա պատասխանեց. «Նախ ասեմ, որ ոչ բոլոր հայուհիները կարող են ռիսկի գնալ սպորտի մեջ: Նրանք, ովքեր ունեն ռիսկ և կամքի ուժ, բարձր կպահեն մեր դրոշը: Ես իմ կոլեգաներին ցանկանում եմ անվնաս և մեծ հաղթանակներ»:

Կատոկի յուրաքանչյուր մրցաշարին անդրադառնալիս՝ պարզելու համար, թե ով է հաղթանակ տարել, ստացանք հաստատակամ մի պատասխան. «Բնականաբար ես»: 

Կարինե Կարապետյանը չնայած իր նպատակներին, եթե ընտրության առաջ կանգնի, ապա կընտրի ընտանիքը:

Օperativ.am-ը բազմաթիվ հաղթանակներ է մաղթում մարզուհուն:

Կարինե Գևորգյան