Աբրամ Բախչագուլյանի բիզնեսը
«Հրապարակ» թերթը գրում է. «Աբրամ Բախչագուլյանին վերջերս անընդհատ տեսնում էին Մաշտոցի պողոտայի և Ամիրյան փողոցի անկյունում գտնվող նոր «օբյեկտում», օրերս այն բացվեց շախով-շուխով, մեծ աղմուկով:
Քանի որ կարաոկեն նկուղային հարկում է, շենքի բնակիչները չեն կարողացել տեսնել, թե ներսում ինչ է կատարվում, բայց պատմում էին, որ ամբողջ բակը, որտեղ նախկինում վիզաների վարչությունն էր, շրջապատված է եղել շքեղ մեքենաներով:
Իսկ դրսում կարաոկեի տերը պլազմա-հեռուստացույց է դրած եղել: Շենքի բնակիչները վստահեցնում էին, որ կարաոկեի տերը Աբրամ անունով մի հզոր պաշտոնյա է, և շատ հիասթափվեցին՝ իմանալով, որ սույն պաշտոնյային արդեն գործից հանել են:
Իմիջիայլոց, ասում են, որ Աբրամ Բախչագուլյանը երգելու սիրահար է և Սննդամթերքի անվտանգության ծառայության խրախճանքների ժամանակ ձայնակցել է «կենդանի» երգող երաժիշտներին»:
Առավել մանրամասն՝ «Հրապարակ» թերթի այսօրվա համարում: