ՀՀ նախկին վարչապետ Արմեն Սարգսյանը Վազգեն Սարգսյանի կողմից ծեծ ուտելուց հետո հայտնվեց Լոնդոնում. մանրամասներ նրա գործունեությունից

«Ժողովուրդ» օրաթերթը «Նազարբաևի կադրերը Հայաստանում» վերնագրով  հոդվածով անդրադառնում է ՀՀ նախկին վարչապետ, ներկայումս Մեծ Բրիտանիայում ՀՀ դեսպան Արմեն Սարգսյանին: Ներկայացնում ենք հրապարակումից մի հատված, որը հեղինակը վերնագրել է այսպես. «Ո՞վ էր Պանիկովսկին մինչև հեղափոխությունը»:

«Իսկ ո՞վ է Արմեն Սարգսյանը: Շատերը նրան գիտեն որպես ՀՀ նախկին վարչա­պետ, որը Վազգեն Սարգսյանի կողմից ծեծ ուտելուց հետո հայտնվեց Լոնդոնում, և կարճ ժամանակ անց առողջական խնդիր­ների պատճառով հրաժարական տվեց: Որոշ ժամանակ անց նա նշանակվեց Մեծ Բրիտանիայում ՀՀ դեսպան, հետո ազատ­վեց աշխատանքից և վերջերս կրկին նշա­նակվեց դեսպանի պաշտոնում: Սրանք, թերևս, հայտնի փաստերն են: Իսկ ահա, ինչպես պնդում են մեր իրազեկ աղբյուրնե­րը, Ա. Սարգսյանը Լոնդոնում ապրած տա­րիներին հասցրել է նաև այլ գործունեու­թյուն ծավալել. նա դիզել է հսկայական հարստություն, կարողացել է ձեռք բերել լուրջ կապեր միջազգային ասպարեզում նա համարվում է Ղազախստանի նախա­գահ Նորսուլթան Նազարբաևի ամենավս­տահելի անձանցից մեկը, ում օգնությամբ ինքն ու իր դուստրը՝ Դարիգա Նազարբաևան, օրինականացնում են իրենց հսկայա­կան գումարները: Ա. Սարգսյանը նաև Ղազախստանում «Բրիթիշ փեթրոլ» ընկերու­թյան ներկայացուցիչն է: Հիմա, ինչպես պնդում են մեր աղբյուրները, Ա. Սարգսյանը «ձեռքի հետ» սկսել է զբաղվել նաև Սերժ Սարգսյանի գումարների օրինականացմամբ, և նրան կրկին դեսպան նշանակելը պայմանավորված էր հենց այդ հանգաման­քով: Եվս մեկ կարևոր հանգամանք. Ա. Սարգսյանը որոշ շրջանակներում հայտնի է «Թենզոր» անունով պնդումներ կան, որ մարդկանց նման անուններ տալը բնորոշ է խորհրդային ՊԱԿ-ին»:

Առավել մանրամասն  «ժողովուրդ» թերթի այսօրվա համարում: