ԲԱՑԱՌԻԿ. 450 ուղևորով ինքնաթիռը հարկադիր վայրէջք է կատարել. Գոհար Սասունցին դուստր է ունեցել

Գոհար Սասունցին Ավստրալիա-Դուբայ չվերթի ժամանակ աղջիկ է ունեցել: Այս մասին Operativ.am-ը տեղեկացավ երգիչ Աղասի Իսպիրյանից, ով այդ պահին երգչուհու հետ ինքնաթիռում է եղել:

«Սիդնեյից 6 ժամ պետք է թռչեինք: Դեռևս 3 ժամ էինք օդում, երբ Գոհարը սկսեց իրեն վատ զգալ: Թռիչքը պետք է շարունակվեր ևս 3 ժամ, սակայն Ավստրալիա-Դուբայ չվերթի ժամանակ 450 ուղևոր ունեցող օդանավը հարկադրված վայրէջք կատարեց, քանի որ օդանավում համապատասխան օգնություն չէին կարողանա ցուցաբերել: Բժիշկները ժամանեցին և Գոհարին տեղափոխեցին հիվանդանոց, որտեղ էլ ծնվեց նրա աղջիկը՝ Գայանեն: Երեխան կշռում է 3.5կգ»,- մեզ հետ զրույցում պատմեց Աղասի Իսպիրյանը: 

Աղասի Իսպիրյաանի խոսքով՝ այս պահին երեխան և երգչուհին իրենց լավ են զգում: Գայանեն Գոհարի երկրորդ երեխան է: Առաջին երեխան տղա է, անունը՝ Հարութ:

Նշենք, որ երգչուհին Ավստրալիայում էր համերգային շրջագայության շրջանակներում:

Operativ.am-ը մայրանալու կապակցությամբ շնորհավորում է երգչուհուն: